Ադրբեջանցիների թիրախում չբնակեցված տունն էր. ABCmedia-ին մանրամասներ է հայտնել համայնքապետը

Երեկ ադրբեջանցիները կրակել են Սյունիքի մարզի Խնածախ գյուղի տների ուղղությամբ։ Վնասված տունը չբնակեցված է։ ABCmedia-ին հայտնեց Խնածախի համայնքապետ Սեյրան Միրզոյանը։

«Այս պահին վիճակը նորմալ ա, բայց դե, ինչպես միշտ, ամբողջ գիշեր կրակել են»,- ասաց Միրզոյանը։

Հիշեցնենք՝ մայիսի 9-ին՝ ժամը 22:20-ի սահմաններում, Ադրբեջանի ԶՈՒ ստորաբաժանումները կրակ են բացել Սյունիքի մարզի Խնածախ բնակավայրի ուղղությամբ, ինչի հետևանքով վնասվել է բնակելի տան տանիքը։ Տուժածներ չկան. հայտնում է ՀՀ ՊՆ-ն։