Բարձրացրե՛ք աշխատավարձը. գործադուլ` Զանգեզուրի պղնձամոլիբդենային կոմբինատում
Զանգեզուրի պղնձամոլիբդենային կոմբինատի հարյուրավոր աշխատակիցներ գործադուլ են սկսել։ Նրանք պահանջում են բարձրացնել աշխատավարձը։
«Մենք աշխատում ենք այնպիսի կազմակերպությունում, որտեղ աշխատանքը բավականին ծանր է, վարձատրությունը՝ չնչին։ Մենք մարդավարի պահանջում ենք՝ բարձրացնել մեր աշխատավարձը»,- նշել է գործադուլին միացած քաղաքացիներից մեկը։
Քաղաքացու խոսքով՝ ստանում է մոտ 300 000 դրամ աշխատավարձ, որը կատարվող աշխատանքի դիմաց շատ քիչ է։
«Արժանապատիվ ապրելու համար մեր կատարածի դիմաց շատ քիչ ենք վարձատրվում։ Հանդիպում ենք ունեցել գործադիր տնօրենի հետ, նա ծանոթ է մեր պահանջին, բայց համաձայն չէ»։
Աշխատակցի խոսքով՝ պատրաստ են բարձրացնել աշխատավարձը, բայց չնչին տոկոսով։ Գործադիր տնօրենի առաջարկած պայմաններին էլ աշխատակիցներն են դեմ։
Գործադուլը շարունակվում է։
