Ռուսաստանում տասնյակ մարդիկ, այդ թվում՝ երեխաներ, աչքերի այրվածքներ են ստացել կինոթատրոն այցելելուց հետո

Տասնյակ մարդիկ, այդ թվում՝ երեխաներ, աչքերի այրվածքներ են ստացել Աբականի կինոթատրոն այցելելուց հետո․ գրում է RT-ն։

Ռուսական լրատվամիջոցները նշում են, որ տուժել է 30-ից ավելի մարդ, այդ թվում՝ 20 անչափահաս։

Կրասնոյարսկի երկրամասի քննչական կոմիտեն RT-ին հայտնել է, որ ֆիլմի դիտման ժամանակ աշխատել է մանրէասպան լամպ։

Այցելուներին բժշկական օգնություն է անհրաժեշտ եղել, սակայն առողջական լուրջ հետևանքներ չկան։

Հարուցվել է քրեական գործ, և մարզային դատախազությունը հետաքննություն է անցկացնում։