Հերթական անգամ պարզվեց՝ Սերժ Սարգսյանը Արցախի ժողովրդի ինքնորոշման իրավունքի պաշտպանն է․ Շարմազանով
Կարդացի Սերժ Սարգսյանի նամակը Վլադիմիր Պուտինին ու հպարտություն ապրեցի, որ ՀՀ-ն ունեցել է նման պետականամետ ու ազգային շահը պաշտպանող նախագահ. Facebook-ի իր էջում գրել է ՀՀԿ-ական Էդուարդ Շարմազանովը։
«Թե բա՝ կհրապարակենք Սերժ Սարգսյանի նամակը։
Հրապարակեցի՞ք, «մոլոդեց»։
Եվ, հետո՞…
Հերթական անգամ պարզվեց, որ Սերժ Սարգսյանը Արցախի ժողովրդի ինքնորոշման իրավունքի պաշտպանն ու ջատագովն է:
Բանակցությունները տորպեդահարում է Ադրբեջանը։
Համանախագահների անհասցե հայտարարությունները «ջուր են լցնում Ալիևի ջրաղացին»։
Հայաստանը պատրաստ է փոխզիջումների, բայց ոչ թե միակողմանի զիջումների։
Արցախի ինքնորոշման իրավիունքը Սերժ Սարգսյանի համար «կարմիր գիծ» է։
Ադրբեջանը փորձում է խնդիրը լուծել ռազմական ճանապարհով ու խախտում է ռազմական բալանսը։
Սրանք թեզեր են, որոնք պաշտպանում են ՀՀ ու Արցախի շահերը։
Այս նամակը դրական արդյունք էլ տվել է. դրանից հետո ՀՀ-ն ՌԴ -ի հետ կնքեց 300 մլն դոլար արտոնյալ պայմաններով ռուսական զենքի ներքին գործարանային գներով ձեռքբերման պայմանագիր։
Եվ նույնիսկ 2019-ին Նիկոլին առաջարկված փաթեթով հանրաքվեով էր որոշվելու Արցախի ճակատագիրը։
Ի՞նչ արեց Նիկոլը։
Հանձնեց Պրահայում Արցախն Ալիեւին։
Սերժ Սարգսյանի պետական մտքի 1 տոկոսը որ Նիկոլն ու իր թիմն ունենային, ազգովի չէինք գնա «թուրքերին նոքյար դառնալու ճամփով»,- գրել է նա։
Ավելի վաղ Կառավարությունը հրապարակել է Արցախյան հակամարտության կարգավորման բանակցային գործընթացի փաստաթղթեր։
