Բաքվից 26 կմ հեռավորության վրա գտնվող Սումգայիթ քաղաքում 18 հազար հայի 1988թ. փետրվարի 27-ից սկսած ադրբեջանական ամբոխը «Մա՜հ հայերին» կոչով` խորհրդային իշխանությունների աչքի առաջ արտաքսեցին, ոմանց սպանեցին, տանջեցին ու կոտորեցին: Դեռևս 1988թ. փետրվարի 14-ի գիշերը կոմունիստական կուսակցության ԼՂԻՄ-ի մարզկոմի բյուրոյի նիստում Ադրբեջանի Կենտկոմի բաժնի վարիչ Ասադովը սպառնում էր. «100 հազարավոր ադրբեջանցիներ պատրաստ են ցանկացած պահին ներխուժել Ղարաբաղ և սպանդ սարքել»:
Հետագա իրադարձությունները ցույց տվեցին, որ սպանդը կազմակերպվել է նախապես մշակված ծրագրով և ունեցել է իր ղեկավար կենտրոնը: Դրանում ակտիվ մասնակցությունն են ունեցել հանրապետական, բացառված չէ նաև կենտրոնական իշխանությունները։ Ոչ Սումգայիթի հանրահավաքները, ոչ կոտորածները պատահական չեն եղել, ինչպես հետագայում փորձում էին ներկայացնել ադրբեջանական իշխանությունները:
Լրացավ Սումգայիթում հայերի ցեղասպանության 36 տարելիցը, սակայն մինչ օրս այն միջազգային հարթակում իրավական հիմք չի ստացել։ Ինչո՞ւ, ինչպե՞ս կոտորվեցին Սումգայիթի հայերը։ Մանրամասները՝ տեսանյութում։
