Հարավասիական հակառակորդներ Պակիստանի և Հնդկաստանի կողմից սպառազինությունների մատակարարումների ալիքը երկու այլ պատերազմող երկրներին՝ Ադրբեջանին և Հայաստանին, արագացնում է սպառազինությունների մրցավազքը Կովկասում․ գրել է South China Morning Post-ը:
Չնայած հետպատերազմյան բանակցություններին, որոնց նպատակն է ընդմիշտ դադարեցնել Հայաստանի և Ադրբեջանի միջև երեք տասնամյակ ձգվող հակամարտությունը, վերլուծաբանները մտավախություն ունեն, որ Պակիստանի ռազմական ինքնաթիռների և հնդկական հակաօդային պաշտպանության համակարգերի ներհոսքը, Ֆրանսիայի ներդրումների հետ մեկտեղ, կարող է ազդարարել հակամարտության նոր ալիք:
«Թեև Երևանի և Բաքվի կառավարությունների միջև խաղաղության համաձայնագիրը դեռևս հավանական է, տարածքային և քաղաքական չլուծված վեճերը պահպանում են Ադրբեջանի կողմից ռազմական գործողությունների բարձր ռիսկը», – նշել է Նյու Յորքում գործող Eurasia Group-ի քաղաքական ռիսկերի գնահատման կենտրոնի վերլուծաբան Թինաթին Ջափարիձեն:
Նա, վկայակոչեով «Զանգեզուրի միջանցքի» հնարավոր հարկադիր բացումը, շեշտել է, որ սահմանային հարցերում հստակություն չպարունակող ցանկացած խաղաղ համաձայնագիր Ադրբեջանի նախագահ Իլհամ Ալիևին «քիչ կխանգարի» դիմել ռազմական գործողությունների։
