BITCOIN. Ի՞նչ է այն ու ինչպես գումար աշխատել
2009 թվական: Մի անհայտ անձ՝ Սատոշի Նակամոտո կեղծանվան տակ, աշխարհին ներկայացրեց մի գաղափար, որը պետք է հեղափոխեր ֆինանսական աշխարհը: Այսօր այդ գաղափարը՝ Բիթքոինը, արժե տասնյակ հազարավոր դոլարներ: Թեպետ ոչ հեռավոր 2010 թվականին երբ այն արժեր ընդամենը մի քանի ցենտ և հազիվ բավականացնում էր մեկ բաժակ սուրճի, մեկ համբուրգերի կամ էլ մի քանի կոնֆետի համար: Բիթքոինը շատերի համար թվային ոսկի է, մյուսների համար՝ ֆինանսական պղպջակ, որը մի օր կարող է պայթել: Կրիպտոարժույթը դարձել է մեր ժամանակների ամենավիճահարույց ֆինանսական գործիքը: Բայց ի՞նչ է սպասվում դրան վաղը, կամ առհասարակ ի՞նչ է այն ու ինչպե՞ս գումար աշխատել:
2010 թվականի մայիսին տեղի ունեցավ առաջին բիթքոին գործարքը, երբ ծրագրավորող Լասլո Հանյեչը վճարեց 10,000 բիթքոին երկու պիցցայի համար, այո դուք ճիշտ եք լսում: Այդ ժամանակ այդ 10,000 բիթքոինը արժեր մոտ 41 ԱՄՆ դոլար: Այսօր այդ նույն քանակությամբ բիթքոինները արժեն հարյուրավոր միլիոն դոլարներ: Այս օրը հայտնի է որպես Bitcoin Pizza Day և նշվում է կրիպտոարժույթների համայնքում:
Վերադառնալով Սատոշի Նակամոտոյին: Նա բիթքոինը ստեղծեց 2008 թվականին՝ համաշխարհային ֆինանսական ճգնաժամի ժամանակ, հիմնական պատճառները հետևյալն էին
- Ունենալ անկախ դրամական համակարգ բանկերից և կառավարություններից
- Ապահովել ֆինանսական գործարքների թափանցիկություն
- Բացառել միջնորդներին գործարքներից, բանկեր, վճարային համակարգեր
- Ստեղծել անվտանգ և արագ փոխանցումների հնարավորություն
Դրանից զատ, մարդկության պատմության ամբողջ ընթացքում հաղթում էր դոլարը, քանի որ այն համարվում էր ամենակայուն դրամական միավորը:
