Մահացել է ԱՄՆ 39-րդ նախագահ Ջիմի Քարթերը
100 տարեկան հասակում մահացել է ԱՄՆ-ի 39-րդ նախագահ, խաղաղության Նոբելյան մրցանակի դափնեկիր Ջիմի Քարթերը:
2024 թվականի հոկտեմբերի 1-ին Քարթերը դարձավ 100 տարեկան։ Նախկին նախագահը կյանքի տևողության ռեկորդ է սահմանել ԱՄՆ-ի բոլոր առաջնորդների շրջանում։ Նա դրան արժանացել էր դեռևս 2019 թվականի հոկտեմբերի 1-ին, երբ հատեց 95-ի սահմանը։
«Ռեկորդակիր» է նաև նրա ամուսնությունը նախագահի մշտական խորհրդական Ռոզալինի հետ, որը մահացավ 2023 թվականին 96 տարեկան հասակում։ Նրանք միասին ապրել են 73 տարի, և իրենց ամբողջ համատեղ կյանքը` բացառությամբ Վաշինգտոնում ապրած չորս տարվա, նրանք անցկացրել են Ջեորջիայի մի փոքրիկ ագարակում, որը Քարթերն ինքն է կառուցել 1961 թվականին:
Հենց այնտեղ էլ կյանքից հեռացել է ԱՄՆ նախկին նախագահը:
ԱՄՆ ներկայիս նախագահ Ջո Բայդենը 2025 թվականի հունվարի 9-ը երկրում սգո օր է հայտարարել: ԱՄՆ 39-րդ նախագահ Ջիմի Քարթերի հրաժեշտի արարողությունը տեղի կունենա Վաշինգտոնում:
