Հրդեհը խժռում է ԱՄՆ մի շարք քաղաքները․ կան զոհեր ու վիրավորներ
ԱՄՆ-ում երկու օր առաջ բռնկված հրդեհը հասել է Հոլիվուդ և Ստուդիո Սիթի։ Արդեն առնվազն 5 մարդու կյանք է խլել հրդեհը․ հայտնում են ամերիկյան լրատվամիջոցները։
Միացյալ Նահանգներում անտառային հրդեհների մասին խոսել է երկրի նորընտիր նախագահ Թրամփը՝ այն անվանելով ապոկալիպսիս։
ԱՄՆ նախագահը մեղադրել է Կալիֆոռնիայի նահանգապետին՝ Լոս Անջելեսի տարածքում բռնկվող զանգվածային հրդեհների համար՝ պնդելով, որ նա պետք է վավերացներ նահանգի տարածքով ավելի շատ ջուր մղելու մասին հռչակագիրը։ Թրամփը վստահեցրել է, որ դա հնարավորություն կտար կանխելու այս աղետը։ Չոր ու քամոտ պայմաններում Հարավային Կալիֆորնիայում զոհերից բացի կան շատ վիրավորներ։ Հարյուր հազարավոր մարդիկ տարհանվել են, քանի որ Լոս Անջելեսի Խաղաղօվկիանոսյան Պալիսադես թաղամասում անվերահսկելի հրդեհի պատճառով այրվել է մոտ 6400 հեկտար տարածք:
Կալիֆոռնիայում աղետի ռեժիմ է հայտարարվել: Նախագահ Բայդենը չեղյալ է հայտարարել իր ուղևորությունը Հռոմ և Վատիկան Կալիֆոռնիայում։
Հրդեհները վնասել են հոլիվուդյան հայտնի մարդկանց, այդ թվում՝ Փերիս Հիլթոնի, Բիլլի Քրիսթալի և Մենդի Մուրի տները։
Խոսվում է ավելի քան 130 հազար մարդու տարհանման մասին։ Նրանք տեղափոխվել են ավելի ապահով վայրեր՝ տեղավորվելով հյուրանոցներում, հարազատների տներում կամ ապաստարաններում։ Հրդեհը տեղայնացնել կամ մարել չի ստացվում, հրդեհաշիջման աշխատանքներին հազարավոր հրշեջներ են մասնակցում։
