Բայդենի մոտ ախտորոշվել է քաղցկեղ
ԱՄՆ նախկին նախագահ Ջո Բայդենի մոտ ախտորոշվել է շագանակագեղձի քաղցկեղի «ագրեսիվ տեսակ», որը տարածվել է նրա ոսկորներին․ գրում է CNN–ը՝ հղում անելով նախկին նախագահի գրասենյակի տարածած հայտարարությանը։
«Անցյալ շաբաթ նախագահ Ջո Բայդենը հետազոտվել է շագանակագեղձում նոր հանգույցի հայտնաբերման համար՝ միզուղիների հետ կապված ախտանիշների աճից հետո։ Ուրբաթ նրա մոտ ախտորոշվել է շագանակագեղձի քաղցկեղ։ Չնայած սա հիվանդության ավելի ագրեսիվ ձև է, քաղցկեղը, կարծես, հորմոնների նկատմամբ զգայուն է, ինչը հնարավոր է դարձնում նրա արդյունավետ կառավարումը», – ասված է հայտարարության մեջ։
Գրասենյակից նշել են, որ 82-ամյա Բայդենը և նրա ընտանիքը բժիշկների հետ քննարկում են բուժման տարբերակները։
