Պուտինը Թրամփին ասել է, որ ՌԴ–ն կողմ է ուկրաինական ճգնաժամի արդարացի լուծմանը. Լավրով

Ռուսաստանն Ուկրաինայի ուղղափառներին դժվարության մեջ մենակ չի թողնի և կհասնի նրանց օրինական իրավունքները հարգելուն. այս մասին  ասել է ՌԴ ԱԳ նախարար Սերգեյ Լավրովը։

«Ռուսաստանի նախագահ Վլադիմիր Պուտինը ԱՄՆ նախագահ Դոնալդ Թրամփի հետ հեռախոսազրույցի ընթացքում հաստատել է, որ ՌԴ–ն կողմ է Ուկրաինայի ճգնաժամի արդարացի լուծմանը»,- ասել է ՌԴ ԱԳ նախարար:

Լավրովը նշել է, որ Ռուսաստանն Ուկրաինայի ուղղափառներին դժվարության մեջ չի թողնի և կհասնի նրանց օրինական իրավունքները հարգելուն, իսկ կանոնիկ ուղղափառությունը վերադարձրել է ուկրաինական հողերի ժողովրդի հոգևոր կյանքում իր կենտրոնական դիրքը:

«Ռուսաստանի Դաշնության դիրքորոշումը Արևմուտքի կողմից հրահրված ուկրաինական ճգնաժամի արդարացի կարգավորման նպատակների իրագործման երաշխիքն է. այդ դիրքորոշումն իր ամբողջ որոշակիությամբ հերթական անգամ հաստատվել է երեկ նախագահ Պուտինի կողմից՝ ԱՄՆ նախագահ Թրամփի հետ նրա հեռախոսազրույցում»,– նշել է Լավրովը:

Նա հավելել է, որ Զատկի և Հաղթանակի օրվա կապակցությամբ հրադադարի մասին նախաձեռնությունները Կիևի կողմից անտեսելը Մոսկվայում ոչ ոքի չի զարմացրել:

Հիշեցնենք, որ նախօրեին Ռուսաստանի և ԱՄՆ ղեկավարների միջև տեղի է ունեցել հեռախոսազրույց, որը տևել է երկու ժամ: Թրամփը զրույցից հետո ասել է` Ռուսաստանը տրամադրված է, որ ուկրաինական հակամարտությունը խաղաղ կարգավորման գա: Այդ մասին հայտարարել է նաև Պուտինը։