Թրամփը Ալիևին ուղղված նամակում շեշտել է Հայաստանի և Ադրբեջանի միջև խաղաղության համաձայնագիրը հնարավորինս շուտ ստորագրելու անհրաժեշտությունը
ԱՄՆ նախագահ Դոնալդ Թրամփը շեշտել է Հայաստանի և Ադրբեջանի միջև խաղաղության համաձայնագիրը հնարավորինս շուտ ստորագրելու անհրաժեշտությունը. փոխանցում է TACC-ը:
«Երկարատև խաղաղությունը կապահովի բարգավաճում Հարավային Կովկասում և կստեղծի ավելի մեծ հնարավորություններ Միացյալ Նահանգների հետ համագործակցության համար. հիմա ժամանակն է խաղաղության հասնելու և Հարավային Կովկասի ժողովուրդների համար բարգավաճման նոր դարաշրջան սկսելու», – գրել է Թրամփը Իլհամ Ալիևին ուղղված նամակում:
Թրամփը նշել է, որ Վաշինգտոնը շարունակում է աջակցել Ադրբեջանի և Հայաստանի միջև կայուն խաղաղություն հաստատելու ջանքերին։
