Գերմանիան կրկին Ռուսաստանի թշնամին է, մասնակցում է մեր դեմ պատերազմին. Մեդվեդև
Գերմանիան ուկրաինական հակամարտության լիարժեք մասնակից է. այսպիսի գնահատական է տվել ՌԴ Անվտանգության խորհրդի փոխնախագահ Դմիտրի Մեդվեդևը:
«Գերմանիան կրկին Ռուսաստանի թշնամին է. կրկին մասնակցում է պատերազմին՝ առաջնորդվելով իրենց կողմից ստեղծած նացիստական գաղափարախոսությամբ, իսկ Մերցը Վերմախտում կռված իր հարազատների հավատարիմ հետնորդն է», – ասել է Ռուսաստանի նախկին նախագահը:
Նա նշել է, որ եթե գերմանացի ռազմական մասնագետները մասնակցում են Ռուսաստանի տարածքին հեռահար հրթիռներով հարվածներին, ապա Ռուսաստանը կարող է կայացնել պատասխան գործողությունների վերաբերյալ ցանկացած որոշում, և ոչ ոք չի կարող արգելափակել լիարժեք ինքնապաշտպանության իրավունքը։
