Թրամփը հեռախոսազրույց է ունեցել Սի Ծինփինի հետ
Դոնալդ Թրափը հեռախոսազրույց է ունեցել Չինաստանի նախագահ Սի Ծինփինի հետ. այս մասին ԱՄՆ նախագահը գրել է Truth Social սոցցանցի իր էջում:
«Ես հենց նոր շատ լավ հեռախոսազրույց ունեցա Չինաստանի նախագահ Սիի հետ, որի ընթացքում քննարկեցինք մեր վերջերս կնքված առևտրային համաձայնագրի որոշ նրբություններ: Հեռախոսազրույցը տևեց մոտ մեկուկես ժամ և հանգեցրեց շատ դրական արդյունքի երկու երկրների համար. այլևս չպետք է հարցեր առաջանան հազվագյուտ հանածոների վերաբերյալ», – գրել է Թրամփը:
Նա ընդգծել է, որ խոսակցության ընթացքում նրանք չեն քննարկել ո՛չ ռուս-ուկրաինական հակամարտությունը, ո՛չ էլ միջուկային հարցի շուրջ Իրանի հետ բանակցությունները:
Թրամփը նաև նշել է, որ Սի Ծինփինը հրավիրել է նրան այցելելու Չինաստան՝ հավելելով, որ նախատեսված է երկկողմ հանդիպում չինական և ամերիկյան պատվիրակությունների միջև՝ քննարկելու առևտրային հարաբերությունները:
