Իրանական հատուկ ծառայությունները գաղտնի փաստաթղթեր են դուրս բերել Իսրայելից

Իրանի հետախուզական ծառայությունները կարողացել են Իսրայելի տարածքից դուրս բերել երկրի միջուկային օբյեկտների վերաբերյալ հսկայական քանակությամբ փաստաթղթեր. այս մասին հայտնել է IRIB լրատվական գործակալությունը՝ հղում անելով տեղեկացված աղբյուրներին։

Գործակալության աղբյուրների տվյալներով՝ գործողությունն իրականացվել է վերջերս, սակայն այն գաղտնի է պահվել՝ փաստաթղթերի մեծ քանակի և դրանք անվտանգ փոխադրելու անհրաժեշտությամբ պայմանավորված։

Նշենք, որ մի քանի շաբաթ առաջ Իսրայելում երկու անձ է ձերբակալվել Իրանի օգտին հետախուզական գործունեություն իրականացնելու կասկածով: