Պուտինը հեռախոսով զրուցել է Իսրայելի վարչապետի և Իրանի նախագահի հետ
Վլադիմիր Պուտինը հեռախոսով զրուցել է Իրանի նախագահ Մասուդ Փեզեշքիանի և Իսրայելի վարչապետ Բենիամին Նեթանյահուի հետ. հայտնում է TACC գործակալությունը:
Պուտինը ցավակցություն է հայտնել Իրանի ղեկավարությանը և ժողովրդին Իսրայելի հարվածների հետևանքով զոհերի մահվան կապակցությամբ՝ ընդգծելով, որ Ռուսաստանը կողմ է Իրանի միջուկային ծրագրի շուրջ կոնֆլիկտի խաղաղ կարգավորմանը:
Մինչդեռ Նեթանյահուի հետ զրույցում Պուտինը հայտնել է, որ Ռուսաստանի Դաշնությունը դատապարտում է Իսրայելի գործողությունները, որոնք խախտում են ՄԱԿ-ի կանոնադրությունը և հակասում են միջազգային իրավունքին:
ՌԴ նախագահը պատրաստակամություն է հայտնել միջնորդելու Իրանի և Իսրայելի միջև հակամարտության կարգավորման գործընթացում:
