Թուրքիան և Ադրբեջանը ռազմական համագործակցության ամրապնդման վերաբերյալ հուշագիր են ստորագրել

Ստամբուլում անցկացվող IDEF 2025 միջազգային պաշտպանական արդյունաբերության ցուցահանդեսի շրջանակներում հանդիպել են Թուրքիայի ազգային պաշտպանության նախարար Յաշար Գյուլերը և Ադրբեջանի պաշտպանության նախարար գեներալ-գնդապետ Զաքիր Հասանովը:

Հանդիպմանը մասնակցել է նաև Ադրբեջանի պաշտպանական արդյունաբերության նախարար Վուգար Մուստաֆաևը։

Կողմերը քննարկել են անվտանգային ոլորտում երկկողմ համագործակցության ներկա վիճակը և զարգացման հեռանկարները։

Բանակցություններից հետո ստորագրվել է ռազմական համագործակցության ամրապնդման վերաբերյալ փոխըմբռնման հուշագիր, որի նպատակն է պաշտպանության ոլորտում երկկողմ համագործակցության զարգացումը։