Իրանում անհայտ անձինք հարձակվել են դատարանի շենքի վրա
Զինված հարձակում է տեղի ունեցել Իրանի հարավ-արևելքում գտնվող Զահեդան քաղաքի դատարանի շենքի վրա. հաղորդում են իրանական լրատվամիջոցները։
Մի խումբ զինված անձինք ներխուժել են դատարանի շենք և կրակել՝ թիրախավորելով դատավորների գրասենյակները։ Tasnim գործակալության տվյալներով՝ զոհվել է հինգ մարդ, տուժել՝ 13-ը:
«Ֆարս» լրատվական գործակալությունը հայտնել է, որ հարձակումից հետո դեպքի վայր են մեկնել արտակարգ իրավիճակների ծառայության ներկայացուցիչներ. այնտեղ են նաև ուժային կառույցների աշխատակիցները:
