Տարեսկզբից ի վեր Ռուսաստանը 290 հազար զինծառայող է կորցրել. Ուկրաինայի ԶՈւ գլխավոր շտաբի պետ

2025-ի սկզբից ի վեր Ռուսաստանը ռազմաճակատում կորցրել է ավելի քան 290 հազար զինծառայող. այս մասին Ուկրաինայի նախագահ Վլադիմիր Զելենսկիին զեկուցել է երկրի ԶՈւ գլխավոր շտաբի պետ Ալեքսանդր Սիրսկին:

Զեկույցի մեջ ասվում է, որ ռուսներն ամենամեծ կորուստները կրել են Դոնեցկի մարզում, մասնավորապես՝ Պոկրովսկի ուղղությամբ, որտեղ նրանք կենտրոնացրել են իրենց հիմնական ջանքերը, բայց չեն կատարել իրենց ռազմավարական խնդիրներից որևէ մեկը։

Ուկրաինայի նախագահը նաև նշել է, որ իրենք պատրաստվում են նոր հարվածներ հասցնել Ռուսաստանի խորքը:

«Մանրամասն վերլուծել ենք իրադրությունը Զապորոժիեի ուղղությամբ, նաև Սումիի և Խարկովի մարզերի սահմանամերձ շրջաններում: Մենք կշարունակենք ակտիվ գործողությունները ճիշտ այնքանով, որքանով դա անհրաժեշտ է Ուկրաինան պաշտպանելու համար. համապատասխան ուժերն ու միջոցները պատրաստ են», – գրել է Զելենսկին Telegram-ի իր ալիքում: