Աֆղանստանում երկրաշարժերից հետո երկու հզոր հետցնցում է գրանցվել. զոհերի ընդհանուր թիվը հասել է 2200-ի 

Աֆղանստանի արևելյան հատվածում 12 ժամվա ընթացքում երկու հզոր հետցնցում է գրանցվել. գրում է Reuters-ը, հղում անելով Գերմանական երկրաբանական հետազոտությունների կենտրոնին:

Հետցնցումների նոր մահերի և ավերածությունների մտավախություններ է առաջացրել այն տարածքում, որտեղ վերջին չորս օրում տեղի ունեցած երկրաշարժերի հետևանքով զոհվել է մոտ 2,200 մարդ։

Երկրաշարժի ենթակա տարածաշրջանում  բնակվողները պայքարում են հիմնական կենսապահովման միջոցների համար։ ՄԱԿ-ը և այլ կազմակերպություններ զգուշացնում են ֆինանսական, սննդի, բժշկական պարագաների և ապաստարանի անհապաղ անհրաժեշտության մասին։

Վերջին ցնցումները տեղի են ունեցել երկու երկրաշարժից հետո, որոնք ավերել էին Աֆղանստանը: Մարդիկ այս երկրում արդեն տուժել են պատերազմից ու օրեցօր խորացող աղքատությունից:

Թալիբների տվյալներով, հինգշաբթի օրվա դրությամբ զոհվել է 2,205 մարդ, վիրավորվել 3,640-ը։ Նոր ցնցումները շարունակվում են Նանգարհար նահանգում: Վնասի չափը դեռ հաշվում են։