Ասիայում հայտնաբերվել են աշխարհում մումիաների ամենահին նմուշները

Ասիայում հայտնաբերվել է մարդու մումիֆիկացիայի ամենահին հայտնի ապացույցը․ գրում է CNN-ը։

Նշվում է, որ Ասիայի որոշ հատվածներում որսորդությամբ զբաղվող քոչվոր ցեղերը 14,000 տարի առաջ դիակները թաղելուց առաջ ծխեցրել են դրանք․ սա մումիֆիկացիայի ամենահին հայտնի ապացույցն է։

Աշխարհի տարբեր ժողովուրդներ վաղուց են օգտագործել մումիֆիկացիայի տեխնիկան՝ դիմելով տարբեր մեթոդների, այդ թվում՝ ջերմության, ծխի, աղերի՝ մարմնի փափուկ հյուսվածքներից խոնավությունը հեռացնելու և քայքայումը կանխելու համար: Գիտնականների կողմից ուսումնասիրված մնացորդները Չինաստանից, Վիետնամից և Ինդոնեզիայից առաջին հայացքից մումիֆիկացված չէին: Այնուամենայնիվ, կմախքների ուսումնասիրությունը ցույց է տվել, որ դրանք երկար ժամանակ ենթարկվել են ցածր ջերմության։

Նախկինում մումիֆիկացիայի ամենավաղ օրինակները հայտնաբերվել էին Չիլիի հյուսիսում (թվագրվում են մոտ 7000 տարի առաջ) և Հին Եգիպտոսում՝ (թվագրվում են մոտ 4500 տարի առաջ)։