ԱՄՆ Սենատում պատմության մեջ առաջին անգամ ներկայացվել է Պաղեստինը ճանաչող բանաձև
ԱՄՆ Դեմոկրատական կուսակցությունից մի խումբ սենատորներ ներկայացրել են Կոնգրեսի վերին պալատի պատմության մեջ առաջին բանաձևը, որը կոչ է անում ԱՄՆ նախագահին ճանաչել Պաղեստին պետությունը։
«Մենք կոչ ենք անում նախագահին ճանաչել Պաղեստինի ապառազմականացված պետությունը՝ համաձայն միջազգային իրավունքի», – նշվում է բանաձևում։
«Պաղեստին պետության ճանաչումը ոչ միայն գործնական քայլ է, որը Միացյալ Նահանգները կարող է ձեռնարկել՝ օգնելու կառուցել ապագա, որտեղ պաղեստինցիներն ու իսրայելցիները կարող են ապրել ազատության, արժանապատվության և անվտանգության մեջ, այլև ճիշտ քայլ է», – ասվում է Ջեֆ Մերքլիի հայտարարության մեջ։
Պաղեստին պետությունը ճանաչել է 147 երկիր։
