Կգա՛ քո ժամանակը․ Իսրայելի ՊՆ-ն սպառնացել է հուսիների առաջնորդին և խոստացել Եմենում բարձրացնել Իսրայելի դրոշը
Եմենի հուսիների կողմից անօդաչու թռչող սարքերով և հրթիռային հարձակումներից հետո, Իսրայելի պաշտպանության նախարար Իսրայել Կացը սպառնացել է սպանել Իրանի աջակցությունը վայելող խմբավորման առաջնորդին․ գրում է mignews.com–ը։
«Աբդուլ-Մալիք ալ-Հուսի, քո ժամանակը կգա՛։ Քեզ կուղարկեն հանդիպելու քո կառավարության և չարիքի առանցքի բոլոր ոչնչացված անդամների հետ, որոնք քեզ սպասում են դժոխքի խորքում»,- գրել է նա X-ում։
«Հուսիների դրոշի վրա գրված «Մա՛հ Իսրայելին, անե՛ծք հրեաներին» կարգախոսը կփոխարինվի Իսրայելի կապույտ-սպիտակ դրոշով, որը կծածանվի միավորված Եմենի մայրաքաղաքի վրա»,- հավելել է Կացը։
