Ֆրանսիայում փրկել են Լա Մանշով Մեծ Բրիտանիա հասնել փորձող ավելի քան 20 ներգաղթյալի

Ֆրանսիայի հյուսիսում փրկարար ծառայություններն օգնություն են ցուցաբերել ավելի քան 20 միգրանտի, որոնք փորձում էին Լա Մանշի նեղուցով Մեծ Բրիտանիա հասնել․ հայտնում է РИА Новости–ն՝ Լա Մանշի և Հյուսիսային ծովի ծովային պրեֆեկտուրային հղումով։

Հաղորդվում է, որ Փրկարարական գործողությունների կենտրոնը Minck նավ և մոտորանավակ է ուղարկել Գրավլինի ափերի մոտ՝ նավակով ճամփա ընկած և դժվարին կացության մեջ հայտնված մարդկանց օգնելու համար։ Նրանցից 23–ը փրկվել են, մյուսները որոշել են շարունակել իրենց ճանապարհը։  

Փրկված միգրանտները վերադարձվել են Ֆրանսիայի ափեր։

Անօրինական ներգաղթյալները հաճախ փնտրում են ցանկացած հնարավորություն՝ Մեծ Բրիտանիա հասնելու և փախստականի կարգավիճակ ստանալու համար, ինչը հնարավորություն է տալիս օգտվել ֆինանսական նպաստներից և սոցիալական ծրագրերից։