Հռոմում մոտ 60,000 մարդ է դուրս եկել փողոց՝ իր աջակցությունը հայտնելու Պաղեստինին
Մոտ 60,000 մարդ է մասնակցում Հռոմի «Տերմինի» կենտրոնական կայարանի մոտ տեղի ունեցող ցույցին՝ հաջակցություն պաղեստինցի ժողովրդի և «Դիմադրության նավատորմի» ակտիվիստների․ հայտնում է РИА Новости-ի թղթակիցը։
Ցույցը տեղի է ունենում Իտալիայի առաջատար արհմիությունների կողմից անցկացվող համընդհանուր գործադուլի ֆոնին՝ Գազայի հատվածում ստեղծված իրավիճակի վերաբերյալ երկրի կառավարության քաղաքականության նկատմամբ դժգոհություն հայտնելու համար։ Թղթակցի խոսքով՝ կայարանի մոտ գտնվող հրապարակում հավաքվել են արհմիութենական խմբեր, ձախակողմյան քաղաքական կազմակերպությունների կողմնակիցներ և սովորական քաղաքացիներ։ Միջոցառման սկսվելուց մեկ ժամ անց Տերմինի է ժամանել «Սապիենցա» համալսարանի ուսանողների խումբը։
«Մոտ 60,000 մարդ է մասնակցում երթին», – գործակալությանը հայտնել են Հռոմի ոստիկանությունից։
Գերատեսչությունը պարզաբանել է, որ երթն անցել է առանց միջադեպերի՝ բացառությամբ Իտալիայի տրանսպորտի նախարարության շենքի վրա նետված ձվերի։ Ամբոխը կարգախոսներ է վանկարկում Պաղեստինի աջակցության համար, դատապարտում Իտալիայի կառավարության և վարչապետ Ջորջիո Մելոնիի քաղաքականությունը Գազայի հատվածում հակամարտության վերաբերյալ։ Ակտիվիստները կոչ են անում Իսրայելի նկատմամբ լիակատար էմբարգո կիրառել և հռետորական հարցեր են տալիս ապագայի մասին, օրինակ՝ «Ինչպե՞ս ենք այս սարսափը բացատրելու մեր երեխաներին»:
Նավատորմը նախկինում հայտնել էր, որ Իսրայելի ռազմածովային ուժերն առգրավել են «Ֆորտիտյուդ Ֆլոտիլիայի» բոլոր նավերը, որոնք մարդասիրական օգնություն էին տեղափոխում Գազայի հատվածի բնակիչների համար։
2023 թվականի աշնանն Իսրայելի պաշտպանության ուժերը ռազմական գործողություն են սկսել Գազայի հատվածի դեմ և հայտարարել լիակատար շրջափակում՝ կտրելով ջրի, էլեկտրաէներգիայի, վառելիքի, սննդի և դեղորայքի մատակարարումը: Իսրայելի կողմից Պաղեստինի կիսաէքսկլավի վրա կատարված հարվածները հանգեցրել են քաղաքացիական ենթակառուցվածքների 85%-ի լիակատար ոչնչացմանը: Վերջին ամիսներին Իսրայելը խստացրել է շրջափակումը՝ խոչընդոտելով անհրաժեշտ սննդի և դեղորայքի մատակարարմանը: ՄԱԿ-ի Սննդի և գյուղատնտեսության կազմակերպությունը Գազայի հատվածում հայտարարել է աղետալի սովի դրություն:
