Արհեստական բանականությամբ աշխատող արբանյակներ կուղարկվեն տիեզերք
Լոնդոնում գործող լաբորատորիաներից մեկում ինժեներներն ուսումնասիրում են արհեստական բանականության (AI) միջոցով երկրի ուղեծիր արբանյակներ ուղարկելու հնարավորությունը․ գրում է Euronews-ը։
Նշվում է, որ ինժեներները փորձարկում են ալգորիթմներ և ռոբոտացված արբանյակներ՝ տիեզերքում գտնվող արբանյակներին օգնելու համար կապ հաստատել, վառելիքով լիցքավորվել, անսարքությունները վերանորոգել առանց մարդկային վերահսկողության։
«Նրանք նման են ինքնավար մեքենայի։ Մինչդեռ ինքնավար մեքենան ինքնուրույն երթևեկում է ճանապարհին՝ օգտագործելով արհեստական բանականություն, մենք նույն արհեստական բանականությունն օգտագործում ենք արբանյակներն ինքնավար կերպով կառավարելու համար», – նշել է Lunasa ստարտափի ինժեներ Հաարիս Խանը։
Ըստ հետազոտության՝ տեսախցիկների և սենսորների միջոցով արբանյակը գնահատում է իր թիրախի, օրինակ՝ մեկ այլ տիեզերանավի հեռավորությունը: Այնուհետև արհեստական բանականությունը մշակում է ստացված տեղեկատվությունը և ստեղծում հրահանգներ, թե ինչպես կարող է արբանյակն անվտանգ շարժվել դեպի մյուս արբանյակը։
