70-ամյա իտալացին ավելի քան 50 տարի կույր է ձևացել և ստացել ավելի քան 1 միլիոն եվրո նպաստ

70-ամյա իտալացին ավելի քան 50 տարի կույր է ձևացել և ստացել ավելի քան 1 միլիոն եվրոյի չափով հաշմանդամության նպաստ։

Տեղական L’Unione Sarda թերթի փոխանցմամբ՝ նրան բացահայտել են, երբ ֆինանսական ոստիկանությունը սկսել է համեմատել սոցիալական նպաստ ստացողների տվյալները հարկային ծառայության տվյալների բազայի հետ։

Նրան երկու ամիս հետևել են, և պարզվել է, որ նա բույսերի խնամքով է զբաղվել, խնամել է իր այգին, շուկայում մրգեր է ընտրել և վճարել կանխիկ՝ զգուշորեն հանելով գումարը դրամապանակից։