Իրանում զոհերի թվում ՀՀ քաղաքացի չկա․ ԱԳՆ խոսնակ

Իրանում տեղի ունեցող զարգացումների ֆոնին զոհվածների շրջանում Հայաստանի Հանրապետության քաղաքացի լինելու վերաբերյալ տվյալներ այս պահին չկան․ ABC Media-ի հարցին ի պատասխան ասել է ՀՀ արտաքին գործերի նախարարի խոսնակ Անի Բադալյանը։

Նրա խոսքով՝ Սիրիայի Հալեպ քաղաքում Հայաստանի Հանրապետության գլխավոր հյուպատոսությունն աշխատում է բնականոն ռեժիմով։

«Այս պահին հասանելի են շուրջօրյա բջջային հեռախոսահամարները։ Զանգերի առավել մեծ թիվ գրանցվել է հունվարի 7-10-ն ընկած ժամանակահատվածում»,- նշել է Անի Բադալյանը։

ԱԳՆ խոսնակի փոխանցմամբ՝ հաշվի առնելով, որ քաղաքացիների դիմումները հիմնականում առնչվում են հյուպատոսական ծառայություններին, հունվարի 13-ից քաղաքացիներին սպասարկելու են նաև հյուպատոսության քաղաքային հեռախոսահամարները, որոնք հրապարակված են սոցիալական հարթակներում։