Փետրվարի 24-ից ԱՄՆ մաքսային ծառայությունը դադարեցնում է ներմուծման մաքսատուրքի գանձումը

ԱՄՆ մաքսային ծառայությունը հայտնել է, որ փետրվարի 24-ից այլևս չի գանձելու այն ներմուծման մաքսատուրքերը, որ ԱՄՆ Գերագույն դատարանի փետրվարի 20-ի վճռով  ճանաչվել են անօրինական․ հաղորդում է «Reuters» գործակալությունը։

Գերատեսչությունը չի հստակեցրել, թե դատարանի որոշումից հետո ինչո՞ւ է ևս մի քանի օր շարունակել գանձել տուրքերը։ «Բացի այդ, հաղորդագրության մեջ խոսք չկա այն մասին, թե արդեն գանձված գումարները վերադարձվելո՞ւ են ներմուծողներին, և եթե այո, ապա ի՞նչ ընթացակարգով»,- նշում է գործակալությունը։