Հյուսիսային Կորեան կարող է «լեզու գտնել» ԱՄՆ-ի հետ․ Կիմ Չեն Ըն
Աշխատավորական կուսակցության 9-րդ համագումարում Հյուսիսային Կորեայի առաջնորդ Կիմ Չեն Ընը հայտարարել է երկրի միջուկային զինանոցն ընդլայնելու մտադրության մասին՝ միաժամանակ կոչ անելով Վաշինգտոնին հարգել իր երկրի միջուկային հզորությունը․ գրում է BBC-ն։
Կիմ Չեն Ընը հավելել է, որ Միացյալ Նահանգները և Հյուսիսային Կորեան կարող են «լեզու գտնել», բայց միայն այն դեպքում, եթե ԱՄՆ-ն ընդունի, որ Հյուսիսային Կորեան չի հրաժարվելու իր միջուկային զենքից։
«Հյուսիսային Կորեա-ԱՄՆ հարաբերությունների ապագան ամբողջությամբ կախված է ԱՄՆ-ի վերաբերմունքից։ Կլինի դա խաղաղ համակեցություն, թե մշտական բախում, մենք պատրաստ ենք երկուսին էլ, և ընտրությունը մերը չէ», – ասել է Կիմ Չեն Ընը։
Այնուամենայնիվ, նա կարծում է, որ Հարավային Կորեայի հետ դիվանագիտական հարաբերությունների կարգավորման հույս չկա՝ երկիրն անվանելով Հյուսիսի ամենամեծ թշնամին։ Նա նշել է, որ «քանի որ Հարավային Կորեան չի կարողանում խուսափել մեզ հետ սահման ունենալու աշխարհաքաղաքական պայմաններից, անվտանգ ապրելու միակ ճանապարհը մեզ հետ կապված ամեն ինչից հրաժարվելն ու մեզ հանգիստ թողնելն է»։
