Աբու Դաբիից և Դուբայից Օման ավտոբուսով 54 ՀՀ քաղաքացի է տեղափոխվել. ՀՀ ԱԳՆ

Մարտի 8-ին Աբու Դաբիում դեսպանությունը և Դուբայում գլխավոր հյուպատոսությունը կազմակերպել և իրականացրել է դեպի Օման ՀՀ 54 (համապատասխանաբար՝ 15 և 39) քաղաքացու անվճար տեղափոխումն Օման․ տեղեկացնում է ՀՀ արտգործնախարարությունը։

«ԱՄԷ-Օման սահմանին ՀՀ քաղաքացիներին դիմավորել է Օմանում ՀՀ դեսպանության դիվանագետը՝ ապահովելով սահմանի անցման դյուրացում և տեղափոխում Մասկատի օդանավակայան: Մասկատ-Երևան թռիչքը նախատեսված է մարտի 8-ի ուշ երեկոյան:

Մարտի 8-ի առավոտվա դրությամբ՝ ԱՄԷ-ում ՀՀ դեսպանության տեղադրած՝ ԱՄԷ-ում մնացած ՀՀ քաղաքացիների հայտարարության ցանկում գրանցված է 95 քաղաքացի»,- ասված է հաղորդագրությունում։