Մի՛ փորձեք հողը պաշտպանելու մեր վճռականությունը․ Իրանի խորհրդարանի խոսնակ
Իրանի խորհրդարանի խոսնակ Մոհամմադ Բաղեր Ղալիբաֆը հայտարարել է, որ Իրանն ուշադիր հետևում է ԱՄՆ-ի բոլոր գործողություններին տարածաշրջանում, մասնավորապես՝ նրանց զորքերի տեղակայմանը։
«Այն, ինչ գեներալները փչացրել են, զինվորները չեն կարող շտկել։ Փոխարենը նրանք միայն Նեթանյահուի պատրանքների զոհը կդառնան։ Մի՛ փորձեք հողը պաշտպանելու մեր վճռականությունը», – նշել է Ղալիբաֆը։
Հիշեցնենք, որ ավելի վաղ ԶԼՄ-ներում տեղեկություն էր տարածվել, որ Պենտագոնը հրամայել է ԱՄՆ ցամաքային զորքերի 82-րդ օդադեսանտային դիվիզիայից մոտ 2000 զինվոր տեղակայել Մերձավոր Արևելքում։
«Էպիկական ցասում» գործողությանը մասնակցում է Մերձավոր Արևելքի, Եվրոպայի և Միացյալ Նահանգների ստորաբաժանումներից, ընդհանուր առմամբ, մոտ 50․000 զինվոր:
