Բագրատ Սրբազանը սփյուռքահայերին կոչ է արել միանալ պայքարին աջակցող հանրահավաքներին
Բագրատ արքեպիսկոպոս Գալստանյանը տեսաուղերձով դիմել է սփյուռքահայերին՝ կոչ անելով միանալ այս օրերին իրենց երկրներում տեղի ունեցող աջակցող հավաքներին:
«Շատ ուրախ եմ, որ դուք ձեր անհամաձայնությունն եք հայտնում Հայաստանի կառավարության ձեռնարկած գործունության նկատմամբ, որով մեր հայրենիքի տարածքներից միակողմանի զիջումներ են տեղի ունենում մեր թշնամուն, այս պարագայում` Տավուշում, հետագայում` Սյունիքում, Գեղարքունիքում, Ջերմուկում։ Մենք նույնիսկ չգիտենք, թե որտեղ է սահմանափակվելու այս ամբողջ ընթացքը»,-ասել է Սրբազանը։
Նա հույս է հայտնել, որ սփյուռքահայերն ուժ ու եռանդ կհաղորդեն Հայաստանում ապրող իրեն հայրենակիցներին, քույրերին ու եղբայրներին, այս ամբողջ շարժմանը։