Խելոք, բարի տղա էր․ պռոշյանցիները՝ սպանված երիտասարդի մասին

Պռոշյանում հնչած կրակոցներից հետո երեք անձ՝ խուլիգանության, մեկ անձ՝ սպանության, հոդվածներով կալանավորվել են։ Խնջույքի ժամանակ ծագած վիճաբանությունը հաջորդ օրը պարզելու նպատակով՝ Երևան-Աշտարակ ավտոճանապարհի Պռոշյան գյուղ տանող կամուրջի տակ նոր վիճաբանություն է ծագել, որի ընթացքում ծեծել, ապա կրակել են 24-ամյա երիտասարդի վրա, որը հիվանդանոցում մահացել է։

Դեպքի առթիվ նախաձեռնվել է քրեական վարույթ, հանրային քրեական հետապնդում է հարուցվել 4 անձի նկատմամբ։ Նախաքննությունը շարունակվում է։