Գեղարվեստական արժեք ունեցող գիրք է, Ստամբուլի մասին է, բայց պրոպագանդիստական չէ. ԲԿՄԱ տնօրենը՝ զինվորին նվիրած գրքի մասին
Գիրքն ընտրել եմ ես։ Ուզում եմ հասկանալ՝ ինչ-որ բացառություն պետք է անեի՞նք այդ գրքի համար, արդյոք այդ գրքում վտանգավոր բովանդակություն կա՞. ABC media-ի հետ զրույցում ասել է ԲԿՄԱ ակումբի տնօրեն Գագիկ Աղբալյանը՝ անդրադառնալով զինծառայողին «Ախ Ստամբուլ, Ստամբուլ» գիրքը նվիրելու շուրջ բարձրացված աղմուկին:
«Մարզադաշտում վիճակահանություն է լինում երկրպագուների տոմսերի վրա նշված թվերով։ Վիճակահանությամբ շահողը այդ զինվորնն էր: Այդ գիրքը սովորական, շարքային, բայց գեղարվեստական արժեք ներկայացնող գիրք է և չի տարբերվում մյուս արժեքավոր գրքերից»,- ասել է նա։
Ըստ Աղբալյանի՝ մարզադաշտում և՛ խաղացողներին, և՛ երկրպագուներին գրքեր են նվիրում տարբեր բովանդակությամբ։ Հստակ կողմնորոշում չկա, բաժանվում են գեղարվեստական արժեք ներկայացնող գրքեր։
«Գիրքը, որ նվիրվել է զինվորին, գեղարվեստական բարձրարժեք գիրք է, որը գրել է քուրդ գրողը։ Նա Թուրքիայում է ծնվել, այնտեղ դատապարտվել ու կտտանքների է ենթարկվել։ Հիմա Մեծ Բրիտանիայում է ապրում։ Այդ գիրքը մարդկանց մասին է, որ կապ ունեն Ստամբուլի հետ, սակայն պրոպագանդիստական չէ»,- ասել է ԲԿՄԱ տնօրենը։
Աղբալյանը կարծում է՝ որևէ խնդիր չկա գրքում և այն զինվորին նվիրելու հարցում։ Եթե այդպես է, ինչու՞ են ջնջել լուսանկարը ԲԿՄԱ ակումբի էջից հարցին Աղբալյանը պատասխանել է.«Տեսել ենք տարածում են զինվորի նկարը և չենք ցանկացել թիրախավորել նրան»։
Աղբալյանը նշել է նաև, որ չի ցանկանում ասել, թե թշնամու, հարևանի մասին տեղեկացնելու համար է հենց այդ գիրքը զինվորին փոխանցվել։ Գիրք ստացողը պատահական է ընտրված, գիրքը՝ ոչ։ Գիրքը, ըստ նվիրողի, գեղարվեստական արժեք է։
