Ուկրաինայի նախագահ Վլադիմիր Զելենսկին առաջին անգամ հրապարակավ ներկայացրել է իր «Հաղթական ծրագիրը»՝ ելույթ ունենալով Գերագույն ռադայում։
Հիմնական կետերը՝ ըստ Զելենսկիի
-Ուկրաինան հիմա արդեն պետք է ՆԱՏՕ-ի հրավեր ստանա:
-Սեփական ռազմական արտադրության հզորացում և արևմտյան գործընկերների օգնության մեծացում:
-Ռազմավարական զսպման փաթեթ. Ռուսաստանի դեմ պաշտպանության ոչ միջուկային միջոցների տեղակայում Ուկրաինայի տարածքում:
-Տնտեսական ճնշում. նավթի գների և արտահանման սահմանափակում՝ Ռուսաստանի վրա ճնշումը մեծացնելու նպատակով:
-Փորձառու ռազմական կոնտինգենտ. հակամարտությունից հետո Ուկրաինան կունենա ամենափորձառու բանակներից մեկը, որը կդառնա Եվրոպայի անվտանգության երաշխավորը։
Իր ելույթի ժամանակ Զելենսկին հավելել է, որ իր հայտարարած ծրագրի երկրորդ, երրորդ և չորրորդ կետերը գաղտնի դրույթներ ունեն, որոնք հրապարակման ենթակա չեն, բայց ներկայացվել են Ուկրաինայի գործընկերներին՝ վերանայման համար։
