Գործակալը ունի հրատապ հրաման՝ Վրաստանին ներքաշել պատերազմի մեջ. Իվանիշվիլի
«Վրացական երազանքի» հիմնադիր և նախագահ Բիձինա Իվանիշվիլին քվեարկել է Թբիլիսիում։
«Մենք ունենք շատ պարզ ընտրություն. կա՛մ մենք ընտրում ենք կառավարություն, որը կծառայի ձեզ` Վրաստանի ժողովրդին, վրացական հասարակությանը, հոգ կտանի երկրի մասին, կա՛մ ընտրենք օտար պետության գործակալ, որը միայն դրսից ցուցումներով կգործի։ Դուք գիտեք, որ մեր հարևանությամբ պատերազմ է ընթանում։ Երկիրը, որը վերահսկում է գործակալներին, և որն այսօր, ցավոք, քաղաքականության մեջ է, ունի հրատապ խնդիր՝ ինչ-որ կերպ ներքաշել Վրաստանին ռազմական գործողությունների մեջ», – ասել է Իվանիշվիլին:
Նրա խոսքով՝ այն տեղի կունենա ակնթարթորեն և երկրի զարգացման մասին հոգ տանելու փոխարեն երկրում կլինի աղետ ու ավերակ։
Հիշեցնենք, որ Վրաստանում այսօր խորհրդարանական ընտրություններ են։
