Իշխող «Վրացական երազանք» կուսակցությունը հայտարարել է երկրում հեղաշրջում և հեղափոխություն կազմակերպելու՝ ընդդիմության անկարողության մասին, հայտնում է NewsGeorgia-ն։
«Ընդդիմությունը երկրում հեղաշրջում կամ հեղափոխություն կազմակերպելու հնարավորություն չունի»,- խորհրդարանական ընտրությունների նախնական արդյունքների հրապարակումից հետո կայացած ճեպազրույցում հայտարարել է կուսակցության գլխավոր քարտուղար, Թբիլիսիի քաղաքապետ Կախա Կալաձեն։
«Երբ դուք հեղաշրջում եք անում, պետք է ունենաք հասարակության և ժողովրդի աջակցությունը։ Այսօր ընդդիմությունը՝ այս արմատական խմբավորումը, պարտություն է կրել»,- պարզաբանել է Կալաձեն։
Նա զգուշացրել է, որ ցանկացած անօրինական քայլի «կհետևի պետության կողմից խիստ կոշտ արձագանքը»։
Հիշեցնենք, որ Վրաստանի խորհրդարանական ընտրության նախնական տվյալներով հաղթել է «Վրացական երազանքը»։
