Սոթքի և Ագարակի հանքավայրերը շահագործող «Գեոպրոմայնինգ»-ի ակտիվները տեղափոխվել են Էմիրություններ

«Հետք» հետաքննական պորտալը գրել է Սոթքի ոսկու հանքավայրը սպասարկող «Գեոպրոմայնինգ Գոլդ» ընկերությունը տեղափոխվել է Արաբական Միացյալ Էմիրություններ։ Կայքը գրում է. ««Գեոպրոմայնինգ Գոլդ»-ի նոր բաժնետերը՝ «Նեո Մետալս» ՍՊԸ-ն, Հայաստանում գրանցվել է 2023թ. մարտի 16-ին: Իր հերթին, «Նեո Մետալս» ՍՊԸ-ի բաժնետեր է «Նեո Մետալս Հոլդինգ լիմիթեդ» բաժնետոմսերով սահմանափակ մասնավոր ընկերությունը: Վերջինը գրանցված է Արաբական Միացյալ Էմիրություններում:

Համաձայն իրական շահառուների հայտարարագրի՝ «Նեո Մետալս Հոլդինգ լիմիթեդ»-ը 18,15 % մասնակցությամբ 5 հավասար բաժնետեր ունի, բոլորը ՌԴ քաղաքացիներ են։ Նրանցից 2-ը մնացել են նախկինից և ծանոթ են մեր ընթերցողներին՝ Միրզաազիզ Մուսախանովը և Ելենա Երշովան։ Երկուսն էլ օլիգարխ Ռոման Տրոցենկոյին փոխկապակցված բիզնեսներում ընդգրկված անձինք են։

Այստեղ ավելացել են Իրինա Գորշկովան, Եվգենյա Վասիլևան և Ալեքսանդր Տրունովը։ Վերջինների մասին ինֆորմացիան սահմանափակ է, եթե հավատանք ռուսական որոշ կայքերի, ապա Տրոնովը նույնպես Տրոցենկոյի բիզնեսի մասնակիցներից է»։

Ամբողջական հոդվածը՝ սկզբնաղբյուր կայքում։