Բաքուն ձախողել է ՄԱԿ-ի գագաթնաժողովը.Գուտերեշը G20-ին կոչ է արել փրկել COP29-ը
ՄԱԿ-ի գլխավոր քարտուղար Անտոնիո Գուտերեշը Ռիո դե Ժանեյրոյում հավաքվող G20 առաջնորդներին կոչ է արել փրկել Ադրբեջանում ՄԱԿ-ի կլիմայի հետ կապված միաժամանակյա բանակցությունները՝ ցուցաբերելով «առաջնորդություն» արտանետումների կրճատման հարցում:
«COP29-ի հաջող արդյունքը դեռ հասանելի է, բայց դա կպահանջի առաջնորդություն և փոխզիջում, մասնավորապես G20 երկրներից», – նշել է Գուտերեշը, ով մասնակցելու է երկուշաբթի մեկնարկող աշխարհի խոշորագույն տնտեսությունների գագաթնաժողովին։
Բաքվում ՄԱԿ-ի ամենամյա բանակցությունները փակուղի են մտել մեկշաբաթյա բանակցություններից հետո, թե ո՞վ և որքա՞ն պետք է վճարի: Սրևմտյան երկրները ցանկանում են, որ Չինաստանը և Պարսից ծոցի հարուստ երկրները միանան դոնորների ցանկին:
Բոլոր հայացքներն ուղղվել են դեպի Ռիո՝ բեկման հույսով:
«Ուշադրության կենտրոնում, բնականաբար, G20-ն է: Նրանց բաժին է ընկնում գլոբալ արտանետումների 80 տոկոսը»,- ասել է Գուտերեշը՝ խմբին կոչ անելով «առաջնորդել իրենց օրինակով»:
