Աշխարհում անգլերենի իմացության մակարդակը նվազել է․ տղամարդիկ ավելի լավ են տիրապետում լեզվին

Անգլերենն աշխարհում ամենատարածված երկրորդ լեզուն է: Ամեն տարի «Education First» համաշխարհային կրթական ընկերությունը (EF) ներկայացնում է իր Անգլերենի իմացության ինդեքսը (EPI)։ Վերլուծելով 2,1 միլիոն ոչ մայրենի անգլերեն խոսողների արդյունքները, ովքեր հանձնել են EF-ի ստանդարտ անգլերենի թեստերը 2023 թվականին, այն յուրաքանչյուր երկրին դասակարգում է վարկանիշում՝ տալով առավելագույնը 800 միավոր: Այս տարի արդյունքները ցույց են տվել անգլերենի իմացության ընդհանուր անկում, որտեղ կանայք և ուսանողներն ավելի թույլ հմտություններ են ունեցել: 2024 թվականի արդյունքներով՝ աշխարհի 10 երկրներից անգլերենին առավել լավ տիրապետող ինը եվրոպական են:

Ինչպես 2023 թվականին, Նիդեռլանդները կրկին զբաղեցրել է առաջին հորիզոնականը՝ 636 միավորով: Անգլերենի «ծատ բարձր վարպետությամբ» կարող են պարծենալ նաև Նորվեգիան, որը 610 միավորով զբաղեցրել է երկրորդ տեղը աշխարհում և Շվեդիան, որը 608 միավորով զբաղեցրել է չորրորդ տեղը: Այս երկրներին հաջորդում են Խորվաթիան, Պորտուգալիան, Դանիան, Հունաստանը և Ավստրիան:

Անգլերենի «բարձր իմացությամբ» եվրոպական երկրները ներառել են Գերմանիան, Ռումինիան, Բելգիան, Ֆինլանդիան և Լեհաստանը: Ֆրանսիան իջեցրել է սանդղակը 2021 թվականից ի վեր, երբ այն եղել է «բարձր հմտությունների» կատեգորիայում՝ 31-րդ տեղում ամբողջ աշխարհում: 2024 թվականին Փարիզը 49-րդ տեղում է աշխարհում՝ 524 միավորով՝ ամենացածրը հետազոտության մեջ ընդգրկված Հյուսիսային Եվրոպայի բոլոր երկրներից: Իտալիան ընդամենը մի քանի միավորով է գերազանցում է Ֆրանսիային և 46-րդ տեղում է, իսկ Իսպանիան՝ 36-րդ: Վրաստանն և Բելառուսը 34-րդ և 35-րդ տեղերում են: «Չափավոր իմացության» կատեգորիայի մյուս եվրոպական երկրներն են Մոլդովան, Ալբանիան, Ռուսաստանը, Ուկրաինան և Հայաստանը (38):  Թուրքիան (65-րդ) և Ադրբեջանը (86-րդ) պատկանում են «ցածր գիտելիքների» կատեգորիային:

Հարկ է նշել, որ երկրների 60 տոկոսը մի փոքր ավելի ցածր միավորներ է գրանցել, քան անցյալ տարի: Սակայն 18-20 տարեկանների խմբում երիտասարդների հմտությունների երկարատև նվազման միտումը դադարել է այս տարի: Անցյալ տարվանից կանանց անգլերենի իմացությունը կայուն է մնացել, իսկ տղամարդկանցը՝ նվազել, ինչը կրճատել է սեռերի տարբերությունը: Այնուամենայնիվ, 40 երկրներում տղամարդկանց անգլերենի իմացությունը դեռ զգալիորեն ավելի բարձր է, քան՝ կանանցը:

Աֆրիկան մնում է բացառություն՝ որպես միակ մայրցամաքը, որտեղ կանայք ավելի լավ են տիրապետում անգլերենին, քան տղամարդիկ։