Արցախում էթնիկ զտումներից հետո այժմ Ալիևը ձևացնում է, թե ռազմական հանցագործ չէ․ Democracy Now

Democracy Now հաղորդման շրջանակներում լայնածավալ ռեպորտաժ է ներկայցվել Բաքվում COP 29-ի վերաբերյալ՝ Արցախում էթնիկ զտումների և այժմ Ադրբեջանում բանտարկված հայ ռազմագերիների հատուկ շեշտադրմամբ։ Շեշտվել է, որ կլիմայական համաժողովին ընդառաջ փաստահավաք առաքելությունը նոր հետազոտություն է հրապարակել հաստատելով, որ 2023 թ-ին Արցախում տեղի ունեցածն էթնիկ զտումներ էին։

Պատերազմը ստիպել է ավելի քան 100 000 հայի լքել տարածաշրջանը։ Նշվել է, որ բազմաթիվ հայեր են դաժանաբար սպանվել ադրբեջանցիների կողմից, և ԼՂ-ում դեռ շարունակվում են վայրագությունները, քանի որ Ադրբեջանը ոչնչացնում է հայկական եկեղեցիները, մշակութային ժառանգությունը և բնակավայրերը։

Ինչպես նշվել է ՀՀ-ն չի մասնակցել Բաքվի COP 29 գագաթնաժողովին, քանի որ Բաքուն հրաժարվել է ազատել առնվազն 23 հայ ռազմագերիների։ Այժմ Ալիևը թափահարում է իր ձեռքերը և ձևացնում, թե ռազմական հանցագործ չէ, նշվել է ռեպորտաժում։