Սիրիայի տարածքային ամբողջականությունը պետք է հարգել․ Աբբաս Արաղչի
Աստանայի ձևաչափով հանդիպումը կայացել է Թուրքիայի և Ռուսաստանի արտաքին գործերի նախարարների մասնակցությամբ և լավ հանդիպում էր. ասել է Իրանի ԱԳ նախարար Աբբաս Արաղչին լրագրողների հետ զրույցում։
«Հանդիպման ավարտին ներկա է եղել նաև Սիրիայի հարցերով ՄԱԿ-ի հատուկ ներկայացուցիչը։ Քննարկվել են Սիրիայում առկա խնդիրները։ Կողմերն ընդգծել են, որ բախումները պետք է անհապաղ դադարեցվեն։ Պետք է հարգել Սիրիայի տարածքային ամբողջականությունը»,- ասել է Արաղչին։
Նրա խոսքով՝ Սիրիայի կառավարության և օրինական ընդդիմադիր խմբավորումների միջև քաղաքական բանակցությունները պետք է շարունակվեն։
