Սարիկ Մինասյանը նշանակվեց Գյումրու քաղաքապետի ժամանակավոր պաշտոնակատար․ մարզը կունենա նաև նոր մարզպետ

Նիկոլ Փաշինյանը ֆեյսբուքյան էջում լուսանկար է հրապարակել Գյումրիում կայացած փրայմերիզի մասնակիցների հետ՝ կից գրելով։

«Մեր բոլոր թեկնածուների ներկայությամբ Սարիկ Մինասյանին նշանակեցի Գյումրի համայնքի ղեկավարի պաշտոնակատար։ Դավիթ Առուշանյանի թեկնածությունը կառաջադրեմ Շիրակի մարզպետի պաշտոնում»,- գրել է նա։

Հիշեցնենք, որ Գյումրիում դեկտեմբերի 8-ից 10-ը տեղի էր ունեցել նախնական ընտրություններ, արդյունքում Գյումրու քաղաքապետի  պաշտոնի համար ձայների մեծամասնությունը ստացել էր Սարիկ Մինասյանը։