Սիրիայի գլխավոր նավթավերամշակման գործարանը դադարեցրել է գործունեությունը․ հայտնի է պատճառը
Սիրիայի Բանիաս քաղաքում գործող խոշորագույն նավթավերամշակման գործարանը Իրանից հում նավթի մատակարարման դադարեցումից հետո ժամանակավորապես դադարեցրել է գործունեությունը․ Financial Times-ին տված հարցազրույցում ասել է ընկերության գլխավոր տնօրեն Իբրահիմ Մուսալեմը:
Գործարանի գործառնական հզորությունը կազմում է օրական 90-ից 100 հազար բարել հում նավթ, ընդ որում՝ վերամշակված նավթի մինչև 90%-ը մատակարարվում է Իրանից, իսկ մնացած ծավալը՝ Սիրիայում տապալված Ասադի կառավարության կողմից վերահսկվող հանքավայրերից: Հստակեցվում է, որ վերամշակման համար նավթի վերջին մատակարարումը եղել է դեկտեմբերի 13-ին, և գործարանն այժմ գտնվում է տեխնիկական սպասարկման փուլում։
Մուսալեմն ասել է, որ երկրի նոր կառավարությունն իրեն տեղեկացրել է պատժամիջոցների առաջիկա չեղարկման մասին, և որ նավթը Բանիասի նավթավերամշակման գործարանին կմատակարարվի այլ աղբյուրներից:
