Փաշինյանը տեսակապով կմասնակցի Լենինգրադի մարզում անցկացվող ԵԱՏՄ գագաթնաժողովին․ ТАСС

Լենինգրադի մարզում՝ «Իգորա» հանգստավայրում, այսօր տեղի կունենա Եվրասիական տնտեսական միության (ԵԱՏՄ) գագաթնաժողովը, որին կմասնակցի նաև ՌԴ նախագահ Վլադիմիր Պուտինը։

Ի սկզբանե նախատեսվում էր, որ եվրասիական «հնգյակի» բոլոր առաջնորդներն անձամբ կհանդիպեն գագաթնաժողովին։ Հայաստանի վարչապետ Նիկոլ Փաշինյանը, սակայն, ստիպված է եղել չեղարկել իր ուղևորությունը՝ կորոնավիրուսի թեստի դրական արդյունքի պատճառով։

Ինչպես հայտնել է գագաթնաժողովի ТАСС-ի աղբյուրը, ՀՀ վարչապետը, նախատեսում է մասնակցել ԵԱՏՄ գագաթնաժողովին տեսակապի միջոցով։ 

Ինչպես հայտարարել են Կրեմլում, հանդիպմանը քննարկվելու է ԵԱՏՄ-ին ինտեգրման հետագա խորացումը։ Ի թիվս այլ հարցերի՝ կքննարկվեն ներքին շուկայում խոչընդոտների ու սահմանափակումների վերացումը, ֆինանսական հատվածում օրենսդրության ներդաշնակեցումը, ծառայությունների միասնական շուկայի ազատականացումը։ Մյուս թեման գազի, նավթի և նավթամթերքի ընդհանուր շուկայի ձևավորումն է։ Ղեկավարները կհաստատեն ԵԱՏՄ-ի 2025 թվականի միջազգային գործունեության հիմնական ուղղությունները և կազմակերպության բյուջեն։ Գագաթնաժողովի արդյունքում՝ նախատեսվում է ստորագրել ավելի քան 20 կարևոր փաստաթուղթ։ Դրանց թվում է նաև Եվրասիական տնտեսական միությունում Իրանին դիտորդի կարգավիճակ տրամադրելու որոշումը։

2025 թվականի հունվարի 1-ից ԵԱՏՄ նախագահի պաշտոնը Երևանից անցնում է Մինսկին։ Սպասվում է, որ Բելառուսի նախագահ Ալեքսանդր Լուկաշենկոն կներկայացնի 2025 թվականի իր նախագահության առաջնահերթությունները։