Տարհանումներ ու զանգվածային հոսանքազրկումներ՝ ԱՄՆ հայաշատ բնակավայրերում․ հրդեհը մարել չի հաջողվում

Հայաշատ քաղաքներից Գլենդելում զանգվածային հոսանքազրկումներ են, այն ընկերությունները, որոնք էլեկտրաէներգիա են մատակարարում, տեղեկացրել են, որ դրանք 48 ժամ հնարավոր է շարունակվեն։

ABC media-ի հետ զրույցում այս մասին հայտնեց լոսանջելեսաբնակ լրագրող Գոհար Վեզիրյանը։

Փասադենայում, որտեղ ևս շատ հայեր են բնակվում, կան զանգվածային էվակուացիայի դեպքեր։

«Ընկերներիցս տեղեկացա, որ իրենց ևս ահազանգել են, որ կարևոր փաստաթղթեր ու առաջին անհրաժեշտության իրեր վերցնեն ու դուրս գան տներից։ Բըրբանքում է քամու ուժգնացում արձանագրվել, վաղվա համար էլ կանխատեսվում են»,-ասաց Գոհար Վեզիրյանը։

Նրա խոսքով՝ իրավիճակը արագ է փոխվում, տարածքը մեծ է, յուրաքանչյուր փողոցում, առանձին բնակավայրում իրադրությունն այլ է։