Բաթումիում ծեծել  են Վրաստանի նախկին վարչապետ Գախարիային

Բաթումիում ծեծի են ենթարկվել ընդդիմադիր «Հանուն Վրաստանի» կուսակցության առաջնորդ, հանրապետության նախկին վարչապետ Գիորգի Գախարիան․ հաղորդում է «Ռուսթավի 2» հեռուստաալիքը։

«Միջադեպը տեղի է ունեցել «Շերատոն» հյուրանոցում, ըստ կուսակցության անդամների՝ հարձակմանը մի քանի մարդ է մասնակցել», – ասվում է հրապարակման մեջ։

Վրաստանի ՆԳՆ-ն այս գործով հետաքննություն է սկսել։ Գախարիան Վրաստանի վարչապետն է եղել 2019-2021 թվականներին։