ՀԱՄԱՍ-ը Իսրայելին մեղադրում է հրադադարի պայմանավորվածության խախտման համար

Պաղեստինյան ՀԱՄԱՍ շարժումը հայտարարել է, որ Իսրայելը խախտել է Գազայի հատվածում հաստատված հրադադարի պայմանավորվածությունը՝ շարունակելով արգելել տեղահանվածների վերադարձը հյուսիսային շրջաններ։

ՀԱՄԱՍ-ը հայտնել է, որ շարունակում է աշխատել միջնորդների հետ՝ գտնելու լուծում, որը հնարավորություն կտա տեղահանվածներին վերադառնալ Գազայի հյուսիսային տարածքներ, փոխանցում է ТАСС-ը։

Հիշեցնենք, որ Իսրայելի վարչապետ Բենիամին Նեթանյահուի գրասենյակը նախօրեին հայտարարեց, որ չի թույլատրի խաղաղ բնակիչների վերադարձը հյուսիս, քանի դեռ պաղեստինյան արմատականների կողմից պատանդառված Իսրայելի քաղաքացի Արբել Յեհուդը չի ազատ արձակվել։