Ինչպե՞ս է Վլադիմիր Պուտինը խռովություն մտցրել ԵՄ-ի երկրների մեջ․ POLITICO

ԵՄ-ի միասնական ճակատում ճաքեր են գոյանում։ Պատերազմը Եվրոպայի սահմաններին, տնտեսական տեղաշարժերը և Միացյալ Նահանգների նախագահը, որը նահանջում է ՆԱՏՕ-ից, ստիպել են վերաիմաստավորել դաշինքին իր մոտեցումները, գրել է POLITICO-ն։

«Նախկինում այս խնայող երկրները մշակել էին «սերտորեն կապված, լավ պատրաստված ռազմավարություն՝ կանգնացնելու գաղափարները, որոնք առնչվում էին մեծ ծախսերի հետ», – պարբերականի հետ զրույցում, անանունության կզբունքով, նշել է ԵՄ կառավարության պաշտոնյան, ով վերահսկում է բյուջեի մի քանի բանակցությունները: Նրա խոսքով՝ 2028-2034 թվականների բյուջեի վերաբերյալ առաջիկա քննարկումները խոստանում են «բոլորովին այլ» լինել։

«Սկանդինավյան և Բալթյան երկրների մի խումբ մշակում է այլ տեսլական՝ կենտրոնացած անվտանգության խնդրի վրա՝ ի տարբերություն Հոլանդիայի և Ավստրիայի», – POLITICO-ին հայտնել է Ժակ Դելորսի ինստիտուտի վերլուծաբան Յուլալիա Ռուբիոն:

Ինքնիշխանությունը դարձել է նոր կարգախոս, և նույնիսկ Դանիայի կամ Ֆինլանդիայի նման պետությունները կողմ են ուժեղացնելու ԵՄ հավաքական պաշտպանությունն ու արտաքին սպառնալիքների դեմ դիմադրողականությունը:

Այս փոփոխությունն առավել ակնառու դարձավ Դանիայի վարչապետ Մետե Ֆրեդերիկսենի ամանորյա ելույթի ժամանակ, երբ նա ապշեցրեց ԵՄ բյուջեի վետերաններին՝ պաշտպանելով ավելի շատ պաշտպանական ծախսերը, պետական օգնությունն և ներդրումները Եվրոպայի ինքնիշխանության մեջ:

Մի երկրի համար, որը երկար ժամանակ թերահավատ էր ԵՄ-ի ավելի խորը ինտեգրմանը, Ֆրեդերիկսենի խոսքերը սեյսմիկ տեղաշարժ էին: Կծկված լինելով Ուկրաինայում Ռուսաստանի ջախջախիչ հարձակման և ԱՄՆ նախագահի միջև, ով ցանկանում է խլել Գրենլանդիան իր երկրից, Ֆրեդերիկսենը խորամուխ է եղել ԵՄ-ի ինքնիշխանության ֆրանսիական գաղափարների մեջ։

Վերլուծաբանները ողջունեցին նրա խոսքերը որպես ուղենիշ ԵՄ-ի հետ Դանիայի հարաբերություններում և պոտենցիալ սեպ սկանդինավ-գերմանական դաշինքում:

«Ֆրեդերիկսենն անձամբ է փոխել իր դիրքորոշումը 180 աստիճանով», – նշել է Ջեյքոբ Ֆանկ Կիրկեգորը՝ Բրեյգել վերլուծական կենտրոնի վերլուծաբանը:

Նրա կարծիքով՝ դա վարչապետին թույլ կտա «առավելագույնի հասցնել Դանիայի ազդեցությունը» բյուջետային բանակցությունների ընթացքում, քանի որ նա կարող է կամուրջ կառուցել տարբեր խմբերի երկրների միջև։

Սա փոքր զարգացում չէ։ Ֆրեդերիկսենը ԵՄ-ի ամենակայուն և փորձառու առաջնորդներից է, և նրա երկիրը այս տարվա վերջին նախագահելու է ԵՄ Խորհրդում, ինչը Կոպենհագենին թույլ է տալիս զգալի ազդեցություն թողնել դաշինքի օրակարգի վրա:

ՌԴ-Ուկրաինա հակամարտությանն աշխարհագրորեն ավելի մոտ գտնվող Ֆինլանդիան և Էստոնիան այժմ աջակցում են ԵՄ-ի համատեղ պարտքը զենքի գնումները ֆինանսավորելու համար, մի բան, որն անցյալում աներևակայելի էր թվում։

Դաշինքի մյուս անդամները, սակայն, չեն փոխել իրենց կարծիքը։ Գերմանիան և Նիդեռլանդները շարունակում են կտրականապես դեմ լինել պաշտպանության համար ԵՄ համատեղ պարտքին, ինչն ընդգծում է կոալիցիայի ներսում խորացող բաժանումը:

Ավստրիան նույնպես, ամենայն հավանականությամբ, կխստացնի իր դիմադրությունը ԵՄ պարտքի նկատմամբ, եթե նոր կանցլեր դառնա ծայրահեղ աջ Հերբերտ Քիքլը, ով մտերիմ հարաբերություններ ունի Ռուսաստանի հետ: